शुभ विजया दशमी, २०६६

जय तं देवी चामुण्डा जय भुतार्थी हारिणी
जय र्सवगते देवी नारायणी नमस्तुते ।।

         हरेक वर्षझै यस वर्षपनि दशैं सवै नेपालीहरुको घर दैलोमा आइपुगी सकेको छ । तर यस पालीको दशैं अली फरक रुपमा आएको छ, यसपालाको दशैं गणतान्त्रीक भएर आएको छ । हरेक उपभोग्य वस्तुहरु पनि यही दशैंमा गणतान्त्रीक स्वरुप लिई नेपालीहरु माझ दशैं मनाउन प्रस्तुत भएको छ । नेपालीहरुको महान चाड दशैं । हुनेलाई दशैं नहुनेलाई दशा ।
         म सानो छँदा कहिले दशैं आउला भनी रमाई रमाई दिन गनी रहन्थे, कहिले असोज महिना शुरु होला भन्ने हन्थ्यो । एक किसिमको रमाईलो पनले भरी भराउ रहन्थ्यो मन । दशैं आएपछि सवै राम्रै हुन्छ भन्ने थियो । राम्रा राम्रा लुगाफाटाहरु, मिठा मिठा खानेकुराहरुका साथै मासुका विभिन्न प्रकारहरुको स्वाद यी सवै दशैंमा हुने भएकोले पनि होला हामी प्रत्येक नेपालीहरुले दशैंलाई महान पर्वको रुपमा मनाउने गरेको । यो महिनामा चल्ने हावाको सुगन्ध र राग मालश्रीको धुनले कता कता मनमा अब चैं दशै आउन लाग्यो भन्ने भान पहिले नै चल्थ्यो । 
 यस पालाको दशैं जाजरकोट, रुकुम, रोल्पा, बझाङ्ग लगायतका पहाडी भेगका धेरै नेपालीहरुले देख्न, सुन्न र अनुभूती समेत गर्न नपाउने गरी आएको छ । पुर्वाञ्चलका नेपालीहरुको दशै कोशीको भेलले बगाएर लगेको छ । दशैं पुर्व नै जलवीरेबाट काठमाडौं आउँदै गरेको एक वस दशैंका आशाहरु भोटेकोशीमा डुबे । विदेशीभूमीमा कतारमा त्यसै गरी नेपाली दशैंहरु डुबे । तर्राईमा बन्द, हडताल र गोली बमको धुवाँ संगै दशैं रमाइरहेको छ । तर दशैलाई आउनु छ, आउँछ र अनि फेरी अर्को बर्षआउँछु है भनी फर्किएर जान्छ । 

         अब आइसकेको दशैलाई स्वागत कसरी किन नगर्ने ? पालो हाम्रो आएको छ । उपभोग्य वस्तुहरु चामल, दाल, तेल, चिनी, मसला आदी इत्यादी सामान त दैनिकी नै भई हाल्यो, मुख्यतः दशैं भनेको सवै नेपालीले जसले दशैंलाई दशैं भनेर चिनेका छन, हुनेले महँगो महँगो सर सामान र राम्रा लुगाफाटा नहुनेले फुटपाथबाट किनेको लुगाफाटाहरु लगाई मिठामिठा खानेकुराहरु अनी मासुका विभिन्न परिकारहरुका वन्दोवस्त । यही वन्दोवस्तका लागि दशैं अघि देखि नै कोहि मरी मरी भारी बोक्छन, कोही ठेला, गाडा, रिक्सा आदी चलाउँछन । देशमा भएका नेपाली युवा युवतीहरु यस्तै वन्दोवस्तका सपना बोकी बिदेशिन्छन । किन त यही दशैंका लागि । पैसा हुनेहरु ठूल ठूला Mallहरुमा Shopping गर्नमा मस्त छन, कम पैसा भएकाहरु फुटपाथमा राखेका सामानहरु किन्न व्यस्त छन । आखिर जसरी भएपनि दुःखले होस वा सुखले सवैलाई आ-आफ्नै तरिकाले दशैं मनाउनु परेकोछ ।
          बजार भाउ यसरी नै आकाशिंदै जाने हो र देशमा यसै गरी सधैं अशान्ति बढदै जाने हो भने अब आउने दशैं दशैं नभएर दशाको रुप नलेला भन्न सकिदैंन । जे भए पनि यस पालीको दशैं दैलौमा आइहाल्यो नेपाल भित्र रहेका र दुःख कष्ट गरी दशेंलाई दशैं बनाउन बिदेशीएका सम्पूर्ण नेपाली दाजुभाई तथा दिदी बहिनीहरुलाई विजया दशमी, २०६६ मंगलमय होस भन्ने चाहनाका साथ माता दुर्गा भवानी संग प्रार्थना गर्दछु । जय दशैं ।